Еліміздің басым бөлігінде жаңбыр жауып, найзағай ойнайды

44 просмотров

Еліміздің басым бөлігінде тұрақсыз ауа райы сақталады. Синоптиктердің болжауынша, кей жерлерде жаңбыр жауып, найзағай ойнайды. Бұршақ жаууы да ықтимал.

Қазгидрометтің хабарлауынша, тек оңтүстік пен оңтүстік-шығыс қана жауын-шашынсыз. Бұл өңірлерде ауа температурасы қызып, аптап ыстық болады. Күндіз 23-28, кей жерлерде 35 градусқа дейін ысиды.

Ал батыс, шығыс және орталық Қазақстанда түнде ауа температурасы 10-15, ал күндіз 20-30 градусқа дейін көтеріледі. Ал солтүстік аймақтарда күн салқын. Түнде 5-13 градус болса, күндіз сынап бағаны 18-23 градусты көрсетеді.

Ел астанасының көгінде көшпелі бұлт жүреді. Таңертең жаңбыр жауып, найзағай ойнайды.Бұршақ жаууы да ықтимал. Түнде және таңертең тұман болады.

Алматы да көшпелі бұлтты, өткінші жаңбыр жауады. Найзағай жарқылдайды.

Загрузка...