27-қазанда Қазақстанның батыс, солтүстік және шығысында құбылмалы ауа райы сақталады, кей жерлерінде жауын-шашын болады, қалған аймақтарда күн ашық.
Қазгидрометтің хабарлауынша, еліміздің кейбір өңірінде күн қатты суытып, тұман, көктайғақ болады, шығыста жел соғып, қар бұрқасындатады.
Республикамыздың 5 өңірінде көктайғақ күтіледі: Шығыс Қазақстан облысы, Атырау облысы, Маңғыстау облысы, Солтүстік Қазақстан облысы және Ақмола облысының кейбір аймақтары.
Қызылорда облысында, күндіз Батыс Қазақстан облыстарының кей жерлерінде жел 15-20 м/с күшейеді.
Алматы, Қостанай, Павлодар облыстарында, түнде және таңертең Қарағанды облысының кей жерлерінде тұман күтіледі.
Солтүстік Қазақстан облысының кей жерлерінде тұман, көктайғақ болады. Ақмола облысының кей жерлерінде көктайғақ болады.