Қазақстанның батысында және шығысында найзағай ойнап, жауын-шашынды ауа райы сақталады, ал еліміздің қалған аумақтарында күн райы ашық болады.
9-тамызда солтүстік өңірдің бірқатар аумағында тұман түсіп, жел күшейеді, оңтүстікте шаңды дауыл көтеріледі. Шығыста күндіз бұршақ жаууы ықтимал, деп хабарлады Қазгидромет.
Шығыс Қазақстан облысының кейбір жерінде найзағай ойнайды, қатты жел тұрып, күндіз бұршақ жаууы ықтимал.
Жамбыл облысында шаңды дауыл көтеріледі. Оңтүстік Қазақстан облысында күндіз қатты жел тұрады.
Солтүстік Қазақстан облысында түнде және таңертең кей жерлерде тұман түседі.
Күндіз Маңғыстау, Атырау, Батыс Қазақстан, Ақтөбе, облыстарында, Қостанай, Қарағанды облыстарының кей жерлерінде аптап ыстық сақталады.
Қызылорда облысында, Оңтүстік Қазақстан, Жамбыл облыстарының кей жерлерінде төтенше өрт қаупі жоғары болады.