Еліміздің басым аумағында ауа-райы тұрақсыз

33 просмотров

Еліміздің басым бөлігінде жаңбыр жауып, найзағай ойнап, қатты жел тұрады.

Қазгидрометтің хабарлауынша, тек еліміздің батысында, оңтүстік- батысында күн ашық болады.

Қостанай, Солтүстік Қазақстан, Ақмола, Павлодар,Қарағанды, Шығыс Қазақстан облыстарының кей жерлерінде найзағай ойнап, тұман түседі. Бұршақ жаууы ықтимал.

Алматы, Ақтөбе облыстарында, күндіз Жамбыл,Оңтүстік Қазақстан,Қызылорда облыстарының бірқатар аумағында найзағай жарқылдап, желдің екпіні секундына 15-20 метрге дейін күшейеді.

Атырау, Маңғыстау облыстарында, Батыс Қазақстан, Ақтөбе, Алматы, Оңтүстік Қазақстан облыстарының кейбір ауданында қатты ыстық болады.

Оңтүстік Қазақстан, Қызылорда, Жамбыл, Қарағанды, Атырау облыстарының кей жерлерінде өте жоғары өрт қаупі сақталады.

Загрузка...