Ағымдағы жыл басынан бері еліміздің көлік сақшыларымен түрлі әкімшілік құқық бұзушылықтар үшін 46 258 адам әкімшілік жауапкершілікке тартылды.
Бұл туралы Ішкі істер министрлігі Көліктегі ішкі істер департаментінің баспасөз қызметі хабарлады.
Атап айтқанда, ұсақ құқық бұзушылықтар үшін 1543 адам, оның ішінде 955 адам қоғамдық орындарды ластағаны үшін жауапкершілікке тартылды. Мұнда негізінен, ұсақ құқық бұзушылығы үшін әкімшілік қамау түріндегі жаза қолданылады.
Арнайы қабылдау орындарына 984 адам орналастырылды.
Жаяу жүргінші белгісі жоқ жерден жолды кесіп өткен 732 құқық бұзушы да жауапқа тартылған.