Елімізде үлгілі әкелер алғаш рет марапатталды

23 просмотров

Астанада ҚР Президенті жанындағы Әйелдер ісі және отбасылық-демографиялық саясат жөніндегі ұлттық комиссия мен «Әкелер одағы» қоғамдық бірлестігі әкелердің республикалық форумын ұйысдастырды.

Форум тәуелсіздіктің 25 жылдығына арналған «25 пайдалы іс» акциясы шеңберінде ұйымдастырылып, бала тәрбиесіндегі әке рөлін дәріптеуге арналған. Әкелер форумы республикалық дәрежеде алғаш рет өтіп отыр.

«Отан, отбасы, отағасы» – егіз ұғымдар. Бұл форумның басты мақсаты – отбасындағы әкенің алатын орнын кеңінен насихаттау. Бүгінгі форумға еліміздің үздік әкелері жиналды. Әйелі күйеуін, баласы әкесін сыйлауы ұлттың амандығын сақтап қалуына тікелей ықпал етеді», – деп мәлімдеді ҚР Орталық сайлау комиссиясының мүшесі, Ұлттық комиссия төрағасының орынбасары Ләззат Сүлеймен.

Форумға Парламент депутаттары, Ұлттық комиссия мүшелері, қоғам қайраткерлері, халықаралық және үкіметтік емес ұйым жетекшілері қатысып жатыр. Шара соңында әр аймақтан келген үлгілі әке дипломдармен марапатталады.

Загрузка...