Елімізде келесі жылы ең арзан темекенің құны 300 теңге болады

56 просмотров

2017 жылғы 1 қаңтардан бастап фильтрлі сигареттердің ең төмен бөлшек бағасы 300 теңге болмақ.

Бұл туралы ҚР Премьер-министрі Бақытжан Сағынтаев қол қойған  Үкіметтің №573 қаулысында айтылған.

«Фильтрлі сигареттерге ең төмен бөлшек баға белгілеу туралы» Қазақстан Республикасы Үкіметінің 2007 жылғы 4 сәуірдегі №260 қаулысына өзгеріс енгізу туралы Қазақстан Республикасының Үкіметінің қаулысында:

«1. «Фильтрлі сигареттерге ең төмен бөлшек баға белгілеу туралы» Қазақстан Республикасы Үкіметінің 2007 жылғы 4 сәуірдегі №260 қаулысына (Қазақстан Республикасының ПҮАЖ-ы, 2007 ж., №10, 116-құжат) мынадай өзгеріс енгізілсін:

1-тармақ мынадай редакцияда жазылсын:

«1. Фильтрлі 20 (жиырма) сигаретке:

1) 2016 жылғы 31 желтоқсанды қоса алғанға дейін — екі жүз жетпіс теңге мөлшерінде;

2) 2017 жылғы 1 қаңтардан бастап үш жүз теңге мөлшерінде ең төмен бөлшек баға белгіленсін.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі» делінген.

Қазір елімізде ең арзан фильтрлі сигареттердің бір қорабы 190-200 теңге тұрады.

Загрузка...