Елімізде ең қомақты айыппұл — 1,1 млрд теңгені Мұрат Оспанов төлеген

56 просмотров

Қазақстанда соттың шешімімен төленген ең үлкен айыппұл 1,1 млрд теңгені құрайды.
Бұл туралы ҚР сыбайлас жемқорлыққа қарсы ұлттық бюроның тергеу департаментінің жетекшісі Сергей Перов мәлім етті деп хабарлады Қазақпарат.

„Елімізде 2015 жылы сот шешімімен төленген ең қомақты айыппұл көлемі 1,1 млрд теңгені құрайды. Бұл айыппұл Табиғи монополияларды реттеу агенттігінің бұрынғы төрағасы Мұрат Оспановқа салынған болатын. 2016 жылдың жарты жылдығында ең үлкен айыппұлды парамен ұсталған Атырау облысы Жылыой ауданы әкімдігінің Тұрғын үй-коммунальдық шаруашылығы, жолаушылар көлігі және автокөлік жолдары бөлімінің жетекшісі Абенов төледі. Оған салынған айыппұл көлемі — 48 миллион теңге„ делінеді хатта.

Еске сала кетелік, ҚР Қылмыстық кодексінің 312-бабына сәйкес, парамен ұсталған азаматтар айыппұл төлеу арқылы түрмеден босай алатындығы қарастырылған. Ал айыппұл көлемі алынған параның 50 есе түрін құрайды. Егер алынған пара қоқан-лоқы көрсетіліп, қандай да бір топтың қысымымен алынатын болса, онда айыппұл көлемі алған параның 70 есе түрін қамтиды.

Перовтың айтуынша, 2016 жылдың жарты жылдығында сыбайлас жемқорлық бабы бойынша 152 адамға айыппұл салынып, оның көлемі 654 мың теңгені құраған.

2015 жылы 320 адамға сомасы 2 миллиард теңгені құрайтын айыппұл салынған.

Загрузка...