Ақорданың баспасөз қызметі Мемлекет басшысының қатысуымен өтетін алдағы күндердегі іс-шаралар аңдатпасын жария етті.
Аkorda.kz сайтындағы мәліметке сүйенсек, 24 мамырда Қазақстан Президенті Астана экономикалық форумы аясында елімізге Халықаралық валюта қорының өңірлік конференциясына қатысу үшін келетін Халықаралық валюта қорының өкімші-директоры Кристин Лагардпен кездесу өткізеді.
26 мамырда Нұрсұлтан Назарбаевтың IX Астана экономикалық форумына қатысуы және «Астана» халықаралық қаржы орталығын басқару жөніндегі кеңестің мүшелерімен, сондай-ақ Нобель сыйлығының лауреаттарымен, халықаралық ұйымдардың басшыларымен кездесу өткізуі жоспарланған.
27 мамырда Қазақстан Президенті жанындағы Шетелдік инвесторлар кеңесінің кезекті отырысын өткізу жоспарланған. Оның аясында Кеңес мүшелерімен – трансұлттық ірі компаниялардың басшыларымен жекелеген кездесулер өтеді.