Мемлекет басшысы Нұрсұлтан Назарбаев Санкт-Петербургте DP World компаниясының басқарма төрағасы Сұлтан Ахмед бин Сулайммен кездесті. Бұл туралы Ақорданың баспасөз қызметі хабарлады.
Кездесу барысында тараптар темір жол саласын қоса алғанда, көлік-логистикалық саладағы ынтымақтастықтың перспективалық бағыттарын талқылады.
Сондай-ақ «Қорғас-Шығыс қақпалары» арнайы экономикалық аймағы мен Ақтау портын дамытуға DP World компаниясының қатысуы мәселелері қарастырылды.
Өз кезегінде DP World басшысы Қазақстанмен өзара іс-қимылдың тиімділігін атап өтіп, оны одан әрі тереңдете түсуге мүдделілігін білдірді.