Екі баланың жоғалған әкесін іздеуге қарағандылық еріктілердің көмегі қажет

81 просмотров

Астаналық, екі баланың әкесі, жоғалып кеткен Ерболат Жақсыгелдиннің ағасы оны іздеуге қарағандылық еріктілердің көмегін сұрап отыр.

Бұл туралы Today.kz хабарлайды.

«Қазіргі уақытта іздеу жүргізіліп жатыр. Мен оны өзімнің досыммен бірге іздеп жатырмын. Басқа ешкім жоқ. Мен қарағандылық еріктілерден көмек сұрағым келеді. Осы уақытқа дейін бір ерікті көмектескен еді. Өкінішке орай, ол бүгін шыға алмай қалды»,-дейді Сағыныш Жақсыгелдин.

Естеріңізге салайық, соңғы рет оның көлігін (мемлекеттік номері 076 16-ыншы аймақтың қара көк түсті Mercedes-Benz) Астанадан Қарағандыға шығар жолдан қыркүйектің 21 күні көрген. Ол Астанада әйелі, екі баласымен тұрады. Өзі тепловозда машинист болып істейді. Жоғалып кеткен күні ол демалыста болған. Туғандарының сөзіне қарағанда, Ерболат Жақсыгелдиннің әйелі ауруханада жатыр. Күйеуі оған күн сайын барып тұрған. Ол бұған дейін ешқашан ескертусіз ұзақ уақытқа ешқайда кетіп көрмесе керек.

Соңғы мәліметтер бойынша, оның ұялы телефонының белгісі Қарағанды облысы аймағында тіркелген. Ағасының айтуы бойынша, ол Қарабас немесе Абай аудандарында болуы мүмкін. Таяуда оның туыстар бақсылардан көмек сұрап, оны даладан іздеген болатын.

Ерболат Жақсыгелдиннің белгілері: денесі ірі, бойы 195 сантиметр, шашы қысқа, толқынды. Басында қара баскиім, қара күртеше, қара шалбар, қара бәтеңке киіп шыққан. Оның қай жерде екені туралы қандай да бір ақпарат білетін адамдардың мына  телефондарға хабарлаасуын сұрайды: +7 (778) 407 1483 немесе 102.

6bb3c581-34f5-4932-ab6a-c35232d120db

Загрузка...