Егор Мехонцов: Әділбекті ұтқан кубалықтың өнері бокс емес, – порнография
Лондон Олимпиадасының үздігі, ресейлік Егор Мехонцев өзінің әлеуметтік желідегі парақшасында біздің Әділбек Ниязымбетовты жеңген куба боксшысы Хулио Ла Крусты сынға алыпты.
“Бұл бокс емес, бұл порнография. Мұны кубалық ұйымдастырды. Бұл бокс үшін өте ұят нәрсе”, – деп жазады Мехонцев.
Айта кетсек, Рио Олимпиадасында бокстан ерлер арасында 81 келіге дейін салмақтың финалы өткен еді. Ақтық сында қазақстандық Әділбек Ниязымбетов пен кубалық Хулио Сезар Ла Круз жолығып, кубалық басым түсті.
Мехонцевтің айтуынша, есепті әділетсіз деп айтуға әбден болады. “Екінші раундта Ниязымбетов қарсыласын таза ұтты” дейді ресейлік боксшы.
Ал Әділбек Ниязымбетов пен Егор Мехонцов осыдан 4 жыл бұрын Лондон Олимпиадасының ақтық сынында кездескен-тұғын. Ол кезде жекпе- жек 13:13 есебімен аяқталған болатын. Төрешілер жеңісті ресейлікке берген еді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз