„Егемен Қазақстан„ газеті шет елдерде меншікті тілшілер ұстайтын болады

– Біз бір айдың көлемінде әлемдік басылымдарды салыстырып, соларды сараптап, газеттің жаңа макеті мен логотипін жасадық. Өздеріңізге мәлім, «Егемен Қазақстан» әр кезеңде әртүрлі шығып келді. Әуелі 1919 жылы «Ұшқын» және «Еңбек туы» араб қарібімен жарияланса, одан кейін «Еңбекші қазақ», «Социалистік Қазақстан» латын қарібімен, ал одан кейін «Социалистік Қазақстан» кириллицамен жарияланып келді.

Тәуелсіздік алар тұста Шерхан Мұртаза басқарған кезде «Егемен Қазақстанның» логотипі, жазу шрифі өзгерді. Ал Әбіш Кекілбаев тұсында «Егемен Қазақстан» деген жаңа атау алды.