Доллардың ресми бағамынан ресми емесі төмендеген. Әдетте, елімізде ақша айырбас орындары ақша құнын ҚР Ұлттық банкі бекіткен шетел валютасы бағамынан 1-2 теңге көтермелеп қоятын. Ал бұл жолы керісінше болып тұр. Мысалы, ҚР Ұлттық банктің 23 мамырға бекіткен АҚШ долларының теңгеге шаққандағы бағамы – 335,01 теңге. Ал бүгінгі ақша айырбас пункттерінде 1 АҚШ валютасының сату құны 334-334,5 теңге, ал сатып алу бағасы 330-332,5 теңгені құрайды. Демек, бүгін кешке дейін доллар құнында тағы төмендеу болуы мүмкін.
Ақша айырбас пункттеріндегі доллар бағамының таңертеңгі сату мен сатып алу құнындағы ауытқушылық 2 теңгені құрайды. kurs.kz сайтындағы мәліметтерге сүйенсек, бүгінгі ақша айырбас пункттерінде 1 АҚШ валютасының сату құны 334-334,5 теңгені, ал сатып алу бағасы 330-332,5 теңгені көрсетіп тұр.
23 мамырдағы ҚР Ұлттық банктің бекіткен шетел валюталарының ресми бағамы мынандай: 1 АҚШ доллары — 335,01 теңге, 1 еуро —375,88 теңге, ресей рублі — 5,02 теңге, Ұлыбританияның 1 фунт стерлингі — 487,84 теңге, жапон йені— 3,04 теңге, 1 қытай юаньы — 51,18 теңге, 1 қырғыз сомы —4,91 теңге, 100 өзбек сумы— 11,63 теңге.
АҚШ долларына қатысты ресми курс Қазақстан қор биржасындағы 20 мамырдағы таңғы және күндізгі сессия (негізгі) қорытындысы бойынша белгіленген. Сауда кезінде америкалық валютаның теңгеге қатысты ресми бағамы 335,01 теңге деңгейінде нақтыланды.
Мамандар халықаралық мұнай нарығындағы ахуалды негізге ала отырып, 30 мамырға дейін 1 АҚШ долларының құны 330 теңгеге дейін төмендеуін болжайтынын еске сала кетелік.