Ақтөбедегі бүлікшілердің әрекетіне имамдарды кінәлау – орынсыз. Бұл туралы ҚР Дін істері комитетіне қарасты талдау орталығының исламды зерттеу бөлімінің басшысы Мұхан Исахан Ғұламалар кеңесінің кезектен тыс отырысында мәлімдеді.
– Ақтөбедегі жағдай барлығымыздың жанымызға батып отыр. Бүлікшілердің әрекетіне имамдарды кінәлау – орынсыз. Қай тұрғыдан алып қарасақ та имамдар қорғансыз. Бұл бағыттағы жұмысқа діни басқармамен қоса, ең бірінші, құқық қорғау органдары да жауапты. Дін қызметкерлі жат ағыммен ағартушылық бағытта үздіксіз жұмыс жасап келеді, – деп атап өтті Мұхан Исахан.
Басқосу барысында ғұламалар Ақтөбеде орын алған лаңкестік оқиғаға байланысты үндеу қабылдап, елдегі діни ахуалдың жайын, дін мамандарының діни тұрақтылықты қамтамасыз ету жолын, қоғамның діни сауаттылығын көтеру мәселесін талқылады.