Біраз жыл бұрын Парламент Мәжілісінің депутаты болып кеткен Бақытбек Смағұл «ҚР мен Еуразиялық кеңістік: қазіргі заман мен даму болашағы» деген халықаралық ғылыми-тәжірибелік конференция кезінде Қазақстанда жаңа мерекелік күн жариялауды ұсынды, деп хабарлайды Zakon.kz.
«Еуразиялық интеграция деген жаңа тарихи үрдіс Қазақстаннан бастау алды. 2014 жылдың 19 мамырында Астанада Еуразиялық экономикалық одақ туралы келісімге қол қойылды.
Интеграция мен бірігу идеясын дәріптеу үшін, сондай-ақ Еуразиялық одақ идеясының авторы Қазақстан екенін бүкіл жұрт біліп жүруі үшін «Еуразиялық интеграция күні» деген мереке жариялауды ұсынамын»,
деп дүңк еткізді Бақытбек Смағұл.