Бүгiн бiрқатар ақпарат құралдарында Қарағанды облысында “сiбiр жарасы” деген күдiкпен ауруханаға жеткiзiлген 2 адамның көз жұмғаны хабарланған болатын. Алайда ҚР Денсаулық сақтау және әлеуметтiк даму министрi Тамара Дүйсенова олардың „сібір жарасынан„ көз жұмды деп айтуға ерте екенін айтады.
Қарағанды облысында кеше сiбiр жарасын жұқтырды деген күдiкпен ауруханаға жеткiзiлген алты адамның екеуi көз жұмғаны расталды деп хабарлайды BNews.kz.
– Алты адам ауруханаға түстi. Екi адам қайтыс болды. Төрт адамды емдеп жатырмыз. Бiреуi облыстық ауруханада, үшеуi Шет аудандық ауруханада жатыр. Медициналық мекемелерге келген азаматтарға қажеттi ем-домды жасап жатырмыз, – дедi Тамара Дүйсенова бүгiн Үкiмет отырысынан кейiн өткен баспасөз мәслихатында.
– Бұл сiбiр жарасы ма, басқа ауру ма – мұны санитарлық-эпидемиялық қызмет анықтайды. Қазiр бұл қызмет қажеттi зерттеулерiн жүргiзiп жатыр. Адамдардың не себептен қайтыс болғаны анықталғаннан кейiн Ұлттық экономика министрлiгi бұл жөнiнде мәлiмдеме жасайды, – дедi министр.
Бүгiн бiрқатар ақпарат құралдарында Қарағанды облысында “сiбiр жарасы” деген күдiкпен ауруханаға жеткiзiлген 2 адамның көз жұмғаны хабарланған болатын.