Сочидегі Олимпиада ойындарының қола жүлдегері, қазақстандық спортшы Денис Тен Жапонияның мәнерлеп сырғанау туралы жаңа мультфильмнің кейіпкеріне айналды.
„Мұзайдындағы Юри„ атты жапон анимесі биыл қазан айынан бастап үлкен экраннан көрсетіле бастайды. Ондағы кейіпкерлерден қазақстандық Денис Тен мен өзге де танымал спортшыларды тануға болады„ делінеді ВКонтакте желісінде тіркелген Денис Теннің ресми қауымдастығында.
Аниме режиссері – Ямамото Саё, сценаристі – Кубо Мицуро, кейіпкерлер дизайнері – Хирамацу Тадаси.
Жапон анимесі кейіпкеріне волейболшы қызымыз Сәбина Алтынбекованы көптің ұқсатқанын білеміз. Оған жарнамаға түсу үшін шетелден көп ұсыныстар келіп түскен еді. Бірақ мұқым әлем БАҚ-тары „тазалықтың періштесі„ деп мойындаған Сәбина спортқа ешнәрсені айырбастағысы келмейтіндігін мәлімдеген.