Данияр Елеусінов Олимпиададағы жорығын жеңіспен бастады

49 просмотров

Рио Олимпиадасында бокстан 69 келіге дейін салмақта өнер көрсеткен жерлесіміз Данияр Елеусінов британиялық Джош Келлиді жеңіл  ұтып, келесі кезеңге жолдама алды.

Данияр алғашқы кезеңнен-ақ айқын басымдық танытты. Қарсыласын қуып жүріп сабады десек артық айтпаспыз. Жерлесіміздің соққыларына төтеп бере алмаған қарсыласы екінші раунда сілесі қатып,  Даниярды қайта-қайта құшақтай берді. Үшінші раунд та дәл сол сценарий бойынша өтті.

Осылайша, төрешілердің шешімімен Данияр алғашқы жекпе-жегін жеңіспен бастады. Есеп 3:0.

Ал осыған дейін шаршы алаңға шыққан Қайрат Ералиев (56 келі) қарсыласын айқын басымдықпен ұтса, өкінішке қарай  Абылайхан Жүсіпов (64 келі) ұлыбританиялық Пэт Маккормактан ұтылып қалды.

Енді жарыс жолында 10 боксшының жетеуі қалды.

Загрузка...