Егер осыдан біраз бұрын Ұлттық банк басшысы Данияр Ақышев мемлекет басшысын, парламент депутаттарын биылғы жылы инфляция „баяулаған сипатта„ болады және инфляцияның жылдық шамасы 8 пайыз көлеміндегі белгілі дәлізге кіреді деп үнемі сендіріп келсе, қазір мұндай сергек мәлідемелер естілмейтін болды.
Ұлттық экономика министрлігі Статистика жөніндегі комитетінің мәліметтері көрсетіп отырғандай, бас банкирдің инфляция тақырыбы бойынша үзіліс алуына дәлелді негіз бар –
шындап келгенде, тұтыну бағаларының өсімі төмендеп емес, қарқындап барады
Мәселен, желтоқсан айында жылдық инфляция деңгейі 13,6 пайызды құраса, қаңтарда ол 14,4 пайызға дейін көтеріліп, ақпанда 15,2, наурызда – 15,7 пайызға тең болды,
ал сәуірде инфляция 16,3 пайызға жетті
Ол аз болса, наурызда айлық инфляция деңгейі бәсеңдейді деп,жылт еткен үміт отын, өйткені ол ол ағымдағы жылғы ең төменгі мөлшер — 0,5 пайызға дейін түскен болатын, сәуірде 0,6 пайызды құраған бағалардың өсу қарқыны қайтадан артып, өшіріп тастады. 2016 жылдың басынан бері Қазақстандағы тұтыну бағалары 3,6 пайызға өскен.
Шынын айтсақ, бұл мемлекеттер бойынша бізге қолжетімді болып тұрғаны наурыз айындағы мәліметтер, бірақ олардың өзі жалпы жағдайды анық көрсетіп отыр.
Инфляцияның жылдық қарқыны бойынша Белоруссия мен Қазақстаннан кейінгі үшінші орынға Ресей жайғасқан, Қырғызстанда ол тек 0,5 пайызға артса, ал Арменияда, тіпті, 2,0 пайызға төмендеген.
Ендеше, біздің Ұлттық банк басшылығына шын ниет білдірсе, өзінің алдына қойылған макроэкономикалық мақсаттарды тиісті деңгейде орындауды қамтамасыз етуге үйренетін, үлгі алатын жер бар! Естеріңізге салсақ, қазақстандық заңдылыққа сәйкес, Ұлттық банктің басты міндеті елдегі баға тұрақтылығын қамтамасыз ету.
ЕЕЭО-ға мүше-елдердегі инфляция
Дереккөзі: ЕАЭО-ға мүше-елдердің статистика қызметтері
Мақаланың орыс тіліндегі нұсқасын мына жерден оқуға болады:
http://365info.kz/2016/05/kakoe-uzh-tut-tsenovoe-zatuhanie-vperedi-tolko-belorussiya/