Құдалар ыдыс-аяқ үшін соттасты
Атырау облысының Махамбет аудандық сотында өзгеше азаматтық іс қаралды. Құдалар келін жасауына таласыпты.
Бұл туралы azh.kz хабарлайды.
Жастар бірге тұра бастаған, бірақ ресми түрде некелерін тіркемепті. Біраз уақыт өткеннен кейін ене мен келін арасында түсініспеушілік туындауы себепті қыз өз үйіне кетіп қалған. Қыздың анасы әлі құда болып үлгермеген үйден қызының жасауы ретінде берілген заттарын қайтарып алмақ болады. Ал олар құны 24 мың теңге тұратын хром мен әйнектен жасалған екі вазадан басқасын қайтарып береді. Қыздың ата-анасы осыған қатысты сотқа талап-арыз берген.
Махамбет аудандық сотының баспасөз қызметі хабарлағандай, «сот отырысы барысында тараптар медиация көмегімен келісімге келді: бұрынғы құдалар ыдысты қайтарды, ал талап-арыз берушілер өз талаптарынан бас тартты. Сот іс жүргізуді тоқтатып, медиативтік келісімді бекітті».
Сот ұйғарымы заңды күшіне енді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз