Chevron компаниясы Қазақстандағы Теңіз кенішіне инвестиция көлемін ұлғайтатыны туралы жариялады. Шілденің 5-і күні тараған ресми мәлімдемеде жобаны ұлғайту өндірілетін шикізат көлемін 260 мың баррельге көбейтіп, тәулігіне миллион баррель мұнай өндіру мүмкіндігіне қол жететіні айтылған. Мұнай өндіру 2022 жылы басталады деп жоспарланған.
Жобаны іске асырып жатқан «Теңізшевройл» бірлескен компаниясының акцияларының 50 пайызы Chevron компаниясының үлесінде. Жобаға Exxon, «ҚазМұнайГаз» және «Лукойл» компаниялары да қатысып жатыр.
Теңіз кеніші жобасына инвестицияны ұлғайту туралы ақпарат әлем бойынша мұндай жобаларға шығындар жаппай қысқарып жатқанда тарап отыр.
Әлемдік базарда мұнай бағасының құлдырауы әсерінен қысқартылған инвестиция көлемі триллион долларға жеткен. Қаңтар айында мұнайдың бағасы соңғы 12 жылдағы ең төмен деңгейге түскен.