ҰБТ-ның алғашқы күні жиналған орташа балл – 83,7

49 просмотров

ҰБТ-ның алғашқы күні 3834 түлек 100-ден жоғары бал алды. Бұл туралы 24kz хабарлайды.

2-мамырда мектеп түлектері республика бойынша 44 тестілеу пункттерінде ҰБТ тапсырды.

Тестке қатысуға 18 599 мектеп бітіруші өтініш жазды, оның 17 934-і, яғни 96,4 пайызы алғашқы сынаққа жіберілді. Олардың 13 026-ы қазақ тілінде, 4 908 орыс тілдерінде сынақ тапсырды.

Тәртіп бұзу дерегімен 4 түлек тестілеуге қатыстырылмады. Сондай-ақ 8 522 рұқсат етілмеген заттар қолданыстан алынды.

ҰБТ-ның алғашқы күні жиналған орташа балл – 83,7. Ал 2015 жылы бұл көрсеткіш 79,7 балл болған.

50 балл көрсеткішіне 2 277 түлек (12,6 пайыз) жете алмады.

Ал 125 балды Алматы қаласының үш түлегі жинады. Олардың екеуі — №159 Ыбырай Алтынсарин атындағы мектеп-гимназиясының, бір түлек — №12 мектеп-гимназиясының оқушылары. 2015 жылы Алматыдан мұндай жоғары көрсеткішке бір-ақ түлек қол жеткізген болатын.

100-ден жоғары балл алған түлек саны — 3 834 (21,3 пайыз).

Загрузка...