ҰБТ-2016: сынақтың соңғы күні 125 балды ешкім ала алмады
Ұлттық бірыңғай тесттің соңғы күні – 10-маусымда мектеп түлектерінің ешқайсысы жоғары балл жинай алмады. Бұл туралы ҚР Білім және ғылым министрлігінің баспасөз қызметі хабарлайды.
«10-маусымда ең төменгі 50 балды 12 мектеп түлегі ала алмады. Ал ең жоғарғы – 125 балды ешкім жинаған жоқ. 100-ден жоғары көрсеткішке ие болғандары – 59 оқушы», – делінген ведомство хабарламасында.
ҚР Білім және ғылым министрлігінің мәліметінше, 10-маусымда ұлттық бірыңғай тестілеуден өту үшін 281 өтінім келіп түскен, оның 255-і қанағаттандырылды. Оның ішінде 204 оқушы қазақ тілінде, 51 мектеп түлегі орыс тілінде сынақ тапсырды. Орташа балл – 88,5.
«Ұлттық бірыңғай тестілеу бір пунктте өткізілді. Сынақ кезінде 184 тыйым салынған зат тәркіленді», – деп мәлімдеді ведомстводағылар.
Қазақстанда Ұлттық бірыңғай тестілеу сынақтары маусымның 2-інен басталып 10 маусымда аяқталды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз