Биылғы оқу жылындағы каникулдардың күндері белгіленді

523 просмотров

Жазғы каникулдың басталу күні мен созылу мерзімі 2016/2017 оқу жылының аяқталуы жөніндегі министрлік бұйрығында белгіленеді.

ҚР білім және ғылым министрлігі биыл бүкіл қазақстандық мектептерде оқу жылы, әдеттегідей 1 қыркүйекте басталатынын хабарлайды.

Оқу жылының ұзақтығы мектепалды даярлық сыныптарында 32 оқу аптасын, 1-сыныптарда – 33 оқу аптасын, 2-11 (12)-сыныптарда – 34 оқу аптасын құрайды.

Оқу жылы барысындағы каникулдар ұзақтығы мен күні белгіленді.

Оқушылардың күзгі демалысы 7 күнге созылады: 2016 жылғы 31 қазаннан – 6 қарашаны қоса алғанда, қысқы – 10 күн: 2016 жылғы 30 желтоқсаннан – 2017 жылғы 8 қаңтарды қоса алғанда, көктемгі – 13 күн: 2017 жылғы 21 наурыздан – 2 сәуірді қоса алғанда.

Мектепалды сыныптарда көктемгі каникул 15 күнге созылады: 2017 жылғы 21 наурыздан – 4 сәуірді қоса алғанда. Сондай-ақ, мектепалды даярлық сыныптарының оқушылары мен 1-сынып шәкірттеріне қосымша 7 күн каникул белгіленеді: 2017 жылғы 1 ақпаннан 7 ақпанды қоса алғанда.

2016 жылғы 1 қыркүйекте барлық мектептерінде Қазақстан Республикасы Тәуелсіздігінің 25 жылдығына және Қазақстан Республикасы Конституциясы күніне арналған салтанатты жиын болады. Сонымен қатар бүкіл Республика бойынша «Мәңгілік ел» патриоттық актісі шеңберінде «Мен өз Отанымның патриотымын» бірыңғай білім беру сабағы өткізіледі.

Загрузка...