Биыл сырттан келген 1053 қазақ жастары гранттан үмітті

27 просмотров

Биыл шетелден келіп, әлі азаматтық алып үлгермеген 1053 қазақ тарихи отанында бiлiм алуға ниет танытып, білім грантына құжат тапсырған.

Бұл туралы министр сөзіне сілтеме жасап, BNews.kz хабарлады.

«….Ауыл жастары үшiн квота тағайындалды. Квота ауылдың әлеуметтiк-экономикалық дамуын анықтайтын мамандықтарға бөлiндi. Конкурсқа 26 050 адам қатысады. Бұдан бөлек, конкурсқа қатысушылардың қатарында I, II топтағы мүмкiндiгi шектеулi 363 адам, соғыс қатысушыларына теңестiрiлген 37 талапкер, Қазақстан азаматы болып табылмайтын ұлты қазақ 1053 адам және 492 жетiм бала бар», — дедi бүгiн білім гранттарын бөлу жөніндегі республикалық конкурстық комиссияның отырысында ҚР Бiлiм және ғылым министрi Ерлан Сағадиев.

Бұдан бөлек, «Мәңгiлiк ел жастары» жобасы аясында бөлiнген квота бойынша конкурста 9797 адам бағын сынайды.

Айта кетейiк, биыл жалпы 31 702 бiлiм гранты бөлiнген. Оның iшiнде 2 950 орын жоғары оқу орындарының дайындық бөлiмшелерiне, 28 752 грант күндiзгi бөлiмге қарастырылған. Конкурсқа 59 677 адам қатысады.

12 593 грант техникалық және технологиялық, 5 мыңға жуық грант педагогикалық, 2 690 грант ауыл шаруашылығы және ветеринарлық, 3 мың грант медициналық мамандықтарға бөлiндi. Бiлiм гранттарын орналастыру мүмкiндiгiне биыл 87 жоғары оқу орны ие болды.

Бұған дейiн жазғанымыздай, биыл грантқа үмiттi түлектердiң 80 пайызға жуығы қазақ мектебiн бiтiргендер.

Естерiңiзге сала кетейiк, білім гранттарын бөлу жөніндегі республикалық конкурстық комиссия 4-8 тамыз аралығында жұмыс iстейдi. 12 тамызға дейiн қорытынды шығарылып, грант иелерi БАҚ беттерiнде жарияланады. Комиссия құрамына мемлекеттік органдар мен Ұлттық кәсіпкерлер палатасының өкілдері және жоғары оқу орындарының ректорлары кiрiп отыр.

Загрузка...