Шағын және орта бизнесті қолдау мақсатында биыл Ұлттық қордан 545 млрд теңге бөлінді, деп хабарлайды 24.kz.
«Бәйтерек» холдингі басқарма төрағасының орынбасары Ляззат Ибрагимованың айтуынша, оның 200 млрд теңгесі өңдеу өнеркәсібіне бағытталады. «Даму» қорының мемлекеттік бағдарламалары аясында биылғы жылдың 8 айында 215 бизнес-жоба қаржыландырылды. 1500 кәсіпкер жеңілдетілген несие алып, мемлекеттің қолдауына ие болды. Олардың басым бөлігі азық-түлік саласында қызмет етеді.
– Экспорттаушыларды қолдау мақсатында «Бәйтерек» холдингі «ҚАзЭкспортГарант» қызметін жан-жақты жетілдірді. Жарғылық капитал көлемі 2016 жылы 14 млрд теңгеге артты, 2017 жылы 13,9 млрд теңгеге көбейтпекпіз. Соңғы 3 айда «ҚазЭкспортГарант» отандық экспартаушылар үшін жаңа екі қызмет түрін ұсынды. Олар қарызды кепілдендіру және аванстық төлемдерді қайтару. Қосымша капиталдандыру 2017 жылы отандық экспорттаушылардың сақтандырылған келісі-шарттар санын 3 есе арттыруға мүмкіндік береді.