Биыл Қазақстанда 17-18 миллион тонна астық бастырылады деп болжануда. Бұл туралы бүгін ҚР Ауыл шаруашылығы министрлігіне қарасты ауыл шаруашылығы кешеніндегі мемлекеттік инспекция комитеті төрағасының орынбасары Алмасбек Марс мәлім етті.
– Біз ағымдағы жылы бункерлік салмақта өткен жылғы деңгейден артық, шамамен 17-18 миллион тонна астық бастырылады деп болжап отырмыз, – деді мемлекеттік инспекция комитетінің лауазымды тұлғасы.
Сонымен қатар комитет төрағасының орынбасары ағымдағы жылы маркетинг есебі бойынша, шамамен 7-7,5 миллион тонна астық сыртқа шығарылатындығын айтты.