Біржан Жақыпов алғашқы кездесуін сәтті бастады

42 просмотров

Риодағы Олимпиада ойындарында бокстан 49 келі салмақта өнер көрсеткен жерлесіміз Біржан Жақыпов алғашқы кездесуін жеңіспен бастады.

Біржан Намибиядан келген Маттиас Хамуньелді айқын басымдықпен ұтты. Айта кетелік, қазақстандық боксшы жеребе бойынша алғашқы айналымнан босаған болатын. Біржанның қарсыласы болса бәсекені іріктеу кезеңінен бастаған. Хамуньел алғашқы кездесуінде әзірбайжандық Рұфат Хусейновты жеңгенімен, Біржаннан айласын асыра алмады. 

Жалпы біздің боксшылар үшін Рио Олимпиадасы сәтсіз басталған. Жарыстың бірінші күні  шаршы алаңға шыққан 60 келідегі Берік Әбдірахманов америкалық Карлос Баль Дерастен ойсырай ұтылған болатын.

Біржан Жақыпов. Анықтама. 

Туған күні: 07.07.1984
Туған жері: Оңтүстік Қазақстан облысы, Созақ ауданы, Жартытөбе ауылы

Бойы: 168 см
Салмағы: 49 кг
Бокспен айналысуы: 14 жастан
Аймақ: Оңтүстік Қазақстан облысы

 Жетістіктері: Әлем чемпионатының қола жүлдегері (2005 ж.), Әлем кубогының қола жүлдегері (2008 ж.), Азия ойындарының күміс жүлдегері (2010 ж.), олимпиадалық квалификациялық құрлықаралық турнирдің жеңімпазы (2012), Әлем чемпионы (2013 ж. Алматы)

Загрузка...