Бірыңғай жинақтаушы зейнетақы қорындағы жинақтың көлемі — 6,09 трлн теңге

29 просмотров

2016 жылғы 1 мамырдағы жағдай бойынша Қазақстан салымшыларының зейнетақы жинақтарының сомасы 6,09 трлн теңге болды. Бұл туралы Бірыңғай жинақтаушы зейнетақы қорының баспасөз қызметі хабарлады.

«Барлық зейнетақы жарналары бойынша 10,1 миллионнан аса, оның ішінде міндетті зейнетақы жарналары бойынша шамамен 9,7 миллионнан аса шарт жасалды. Міндетті кәсіптік зейнетақы жарналары бойынша салымшылар саны — 398 472, ал ерікті зейнетақы жарналары бойынша — 38 835 болды. 2016 жылдың басынан бастап алынған және салымшылардың жеке зейнетақы шоттарына бөлінген инвестициялық табыс 127,37 млрд теңгеге жетті», — делінген хабарламада.

Баспасөз қызметінің хабарлауынша, 2016 жылғы төрт ай ішінде 73,23 млрд теңге Бірыңғай жинақтаушы зейнетақы қорынан төленсе, оның ішінде 6,74 млрд теңге сақтандыру ұйымдарына аударылды.

Қор салымшылары enpf.kz сайты, «ENPF» ұялы қосымшасы немесе e-gov порталы арқылы жарналар түсімін бақылай алатынын айта кетелік.

Загрузка...