Бұл туралы ҚР Мемлекеттiк хатшысы Гүлшара Әбдiқалықова ҚР Президентiнiң жанындағы Сыбайлас жемқорлыққа қарсы iс-қимыл мәселелерi жөнiндегi комиссияның отырысында мәлiмдедi.
Бұл туралы ҚР Мемлекеттiк хатшысы Гүлшара Әбдiқалықова ҚР Президентiнiң жанындағы Сыбайлас жемқорлыққа қарсы iс-қимыл мәселелерi жөнiндегi комиссияның отырысында мәлiмдедi.
Отырыста Ұлттық қордың қаржысын тиiмдi пайдалану және ашықтығын қамтамасыз ету, бiлiм жүйесiндегi сыбайлас жемқорлыққа қарсы iс-қимылдар жөнiнде, сондай-ақ, мемлекеттiк органдарда сыбайлас жемқорлық деңгейiнiң рейтингiн қалыптастыру мәселелерi бойынша қабылданған iс-шаралар талқыланды, – деп хабарлайды baq.kz.
– Алайда саладағы сыбайлас жемқорлыққа қарсы қабылданған iс-шаралар жеткiлiксiз болып тұр. Олар бiлiм жүйесiндегi сыбайлас жемқорлықты төмендете алмауда. Атап айтсақ, 2014-2015 жылдардың және 2016 жылдың 1 тоқсанының қаржысын тексеру нәтижелерi бойынша бюджеттiк заңнаманы және мемлекеттiк сатып алу туралы заңнаманы бұзушылықтарға 1040 лауазымдық тұлға әкiмшiлiк жауапкершiлiкке тартылған, 386 бiлiм жүйесiнiң қызметкерi жемқорлық қылмыстар жасағаны үшiн сотталған», – деді Мемлекеттiк хатшы.
Гүлшара Әбдiқалықова жиын барысында «Сыбайлас жемқорлыққа қарсы iс-қимыл туралы заңның» қабылануына байланысты Президенттiң Жарлығымен комиссияның аты өзгертiлдi дедi. Ендi ол «ҚР Президентiнiң жанындағы Сыбайлас жемқорлыққа қарсы iс-қимыл жөнiндегi комиссия» деп аталатын болады. Бұның алдында комиссия «ҚР Президентiнiң жанындағы Сыбайлас жемқорлыққа қарсы iс-қимыл мәселелерi жөнiндегi комиссия» деп аталған.