Бестөбедегі атыс: күзетшілер қамауға алынды

54 просмотров

Адамдарға қарсы оқ атып, он шақтысын жаралаған «Қазақалтын» компаниясының күзетшілері «қызметін асыра пайдаланды» деген күдікпен қамауға алынды. Бестөбедегі жағдайға қатысты Ақмола облыстық ішкі істер департаменті осындай ақпарат таратты.

Сотқа дейінгі тергеу барысында жұмысшылармен арадағы жанжал кезінде күзетшілердің қызметтік мылтықтарын пайдаланғаны анықталды. Олардың қару ұстауға рұқсаттары бар.

Соған қарамастан, қылмыстық кодекстің » қару немесе арнайы құрылғыларды қолдана отырып, қызмет бабын асыра пайдалану» бабы бойынша сотқа дейінгі тергеу басталды. Күдіктілер қамауға алынды.

Айта кетсек, Ақмола облысының Бестөбе ауылында «Қазақалтын» компаниясының кенішінде жанжал туып, күзетшілер жұмысшыларға қарай оқ атқан болатын. Оқыс жайт салдарынан 10 адам жараланған.

Загрузка...