Баян Есентаеваның күйеуі екі айға қамауға алынатын болды

60 просмотров

Алматы облысы Талғар аудандық сотының судьясы Ілияс Мұхаділұлы Бақытбек Есентаевты екі айға дейін қамауға алу жөнінде шешім шығарды.

Бұл туралы BNews.kz хабарлайды.

— ҚР Қылмыстық кодексінің 21-бабы 2-бөлімі және 99-бабы бойынша (адам денсаулығына зиян келтіру және өміріне қастандық ойлау) Бақытбек Есентаевты екі айға дейін мерзімге қамауға алу жөнінде шешім шығарылды. Істің басқа егжей-тегжейі тергеуге байланысты жария етілмейді, – деп мәлім етті Талғар аудандық сотының баспасөз хатшысы Эльвира Аслаханова.

Бақытбек Есентаев қазір Талғар аудандық ішкі істер басқармасының уақытша ұстау изоляторында отыр. Оны полицейлер ҚР Қылмыстық кодексінің 128-бабы бойынша ұстаған болатын.

10 маусымда сағат 12.05 шамасында Баян Есентаева қансыраған күйінде Талғар аудандық ауруханасына жеткізілген болатын. Дәрігерлер оның бас сүйегінен жарақат алып, ішінен пышақталғанын анықтады. Оған жедел ота жасалды.

Загрузка...