Баян Есентаева жуырда іске кірісіп, жобаларын жалғастырады.
Маусымның 10-ы күні болған қайғылы оқиға продюсердің отбасын ғана емес, барша Қазақстанды алаңдатты деп хабарлайды stan.kz.
Көпшілік оның тез сауығуын тілеп, түрлі тәсілмен қолдау білдірді. Отбасын құруға ұсыныс жасағандар да болды. Бірі продюссер жатқан аурухананың қабырғасына естелік хат жазды. Мұнымен қатар, табалап, өз ойларымен жұртты шошытқандар да табылды.
– Өмірде әртүрлі жағдай болады. Бірақ ол тоқтап қалмайды, сондықтан бір сәтке де мүдіруге болмайды! Жуырда “KeshYou” жаңа ән жазады. Ол ән менің санамда дайын тұр. Ал бұл дегеніміз жуырда жаңа бейнебаянның куәсі боласыздар деген сөз. Баян маған “Тоқтама, жұмыс істе, мен де жуырда қатарға қосыламын” деді. Қысқасы барлық жақсылық әлі алда болмақ! – дейді ол.
Бұл хабарды естіген желі қолданушыларының қуанышында шек жоқ. Олар “Күтеміз”, “Сәттілік”, “Әр қазақтың қызында Баян ханым сияқты күш-жігер, өзіне деген сенім болса, шіркінІ Алла пендесіне өзі көтере алатындай сынақ береді екен”, “Жарайсыңдар!”, “Біз тек қана қуанамыз” сынды тілектермен жылы лебіздерін білдірген.