Еліміздің шығысы мен батысында, орталығында атмосфералық ағымдардың өтуінен жаңбыр жауып, найзағай ойнайды, жел соғып, кейбір аудандарда бұршақ түсуі мүмкін. Тек республиканың солтүстігі, солтүстік-батысы мен оңтүстігінде, оңтүстік-шығысында күн ашық, деп хабарлайды, – Қазгидромет.
Синоптиктердің мәліметінше, Алматы, Қарағанды, күндіз Жамбыл облыстарында желдің жылдамдығы 15-20 м/с дейін барады. Қарағанды облысында тұман түседі деп күтілуде. Оңтүстік Қазақстан, Қызылорда облыстарында таңертең және күндіз жел тұрып, шаңды дауыл көтеріледі. Шығыс Қазақстан облысында түнде және таңертең кей жерлерде тұман түседі, жел күшейіп, бұршақ жаууы ықтимал.
Қызылорда, Оңтүстік Қазақстан, Жамбыл облыстарында жоғары өрт қаупі сақталады.