Бүгін ел аумағының басым бөлігінде жаңбыр жауады. Оңтүстік және оңтүстік-шығыста кей жерлерде нөсер жаңбыр жауады, найзағай ойнап, жел күшеюі мүмкін, – деп хабарлайды Қазгидромет.
Жамбыл облысының кей жерлерінде бұршақ жауып, 15-20 м/с жылдамдықпен жел соғады деп болжануда.
Шығыс Қазақстан облысының кей жерлерінде жел күшейеді – 15-20 м/с, күндіз бұршақ жаууы ықтимал.
Оңтүстік Қазақстан облысының кей жерлерінде жел 15-20 м/с-қа дейін күшейеді.
Қарағанды, түнде Алматы, күндіз, Солтүстік Қазақстан, Павлодар облыстарының кей жерлерінде жел күшейеді – 15-20 м/с.
Күндіз Атырау, Батыс Қазақстан, Маңғыстау облыстарының кей жерлерінде аптап ыстық, Ақтөбе облысында өте қатты ыстық болады.
Жамбыл облысының кей жерлерінде өте жоғары өрт қаупі сақталады.