Бас прокурор Астанадан Ақтөбеге барған 200 маман немен айналысып жатқанын айтты

19 просмотров

Бас прокурор Жақып Асанов Астанадан Ақтөбеге барған 200 маман немен айналысып жатқанын айтты, деп хабарлайды ҚазАқпарат.

«Осыдан бір апта бұрын Ақтөбеде үлкен жобаны қолға алдық. Елбасының тапсырмасымен 29 қыркүйекте Ақтөбеге бардық. Қазір онда 200 маман 7 бағыт бойынша жұмыс жасауда», — деді Ж. Асанов ҚР Бас прокуратурасының алқа мәжілісінде.

Оның атап өтуінше, олардың көбі мемлекеттік қызметкерлер емес.

«Олар: дәрігерлер, теологтар, псиxологтар, имамдар, банкирлер және тағы басқалар. Топ жұмысы 1 айға жалғасады. Негізгі мақсат — жергілікті органдармен бірге өңірлік проблемаларға үңіліп, солардың шешу жолын іздеу. Әр сағат, әр күн егжей-тегжейлі жоспарланды. Осы алты күннің ішінде қандай жұмыс атқарылды?! Мектептер мен медреселерде 77 кездесу өтті. Бұл шараларға 12 мың адам қатысты. 820 адамға медициналық тексеру жасалды, 50 мүгедекке протез қойылды, 500 адамға әлеуметтік көмек көрсетілді, 13 адам жұмысқа тұрғызылды, облыстағы барлық мекемелердің дайындығына көмек көрсетіліп жатыр, ішкі істер мен ұлттық қауіпсіздік органдары да прокуратурамен бірге өз бағыты бойынша қажетті құқық қорғау жұмыстарын жүргізуде. Осы жұмысты ары қарай жалғастыра береміз», — деді Бас прокурор.

20160908174802

Загрузка...