Экономикалық тергеу қызметі басшылығы, мен сіздерге айтып отырмын, сіздер Елбасы жүргізіп отырған экономикалық саясатты аяқ асты етіп отырсыздар.
Осылай арнайы алқалы жиында ащына сөйлеген ҚР Бас прокуроры Жақып Асанов бизнеске қысым көрсету жолдарын қанша жасырып-жапса да бәрібір оны айналып өтетін жолды тауып алатындардың көзін шұқып көрсетті деп хабарлады NewTimes.kz.
„Бұл тікелей заң бұзушылық, мен экономикалық тергеу қызметінің басшылығына айтып отырмын, Сіздер Елбасы жүргізіп отырған экономикалық саясатты аяқасты етіп отырсыздар. Қараңыздар, басқа қандай дәлел керек? Көрдіңіздер ме, неткен былық? Сіздерді сол араға, бизнеске жіберу керек, өз бастарыңыздан көріңіздер қалай болатынын„ – деді ашынған Жақып Асанов.
„Бизнесті тексеру үшін күш құрылымдарын пайдаланып, басқа жолды тауып алды. Салық органы экономикалық тергеу қызметіне хат жазады, олар оны аудит қызметіне ығыстырады, онда да қылмыскердің ізіне түскен орган тапсырмасымен деп, ал шындығында ол арада ешқандай да криминал жоқ. Біз заңсыз және жоспардан тыс тексеруді болдырмас үшін бизнесті қорғаудың тетігін жылдар бойына түздік.
Бізде қауіп-қатерді басқарудың жүйесі, тексеруді белгілейтін тәртіп болды. Бірақ қылмыстық-процессуальдық кодекс арқылы осы шаралардың барлығын айналып өтетін жолды тауып алған. Тергеушілердің тапсырмасы бойынша дегенді ілік етіп.
Міне, осы жолмен барлығы бизнеске лап қойып, қоқан-лоқы жасай бастаған„ – деді ҚР Бас прокурорының орынбасары Марат Ахметжанов бүгін өткен „Кәсіпкерлік саласындағы прокуратура қадағалауы„ форумында.