Алматы қалалық көші-қон полициясы атышулы Барахолкада рейд жүргізген екен.
Мұндағы мақсат базарда заңсыз сауда жасап, көлеңкелі табыс тауып жүрген келімсектерді анықтау болатын. Шараға бізде қатыстық. Көргенімізді айтайық. Сауда-саттық нарығында көрші Қырғызстан, Өзбекстаннан, Тәжістаннан келген азаматтар қаптап кетіпті. Көпшілігі заңсыз жүр. Көпшілігінде қағаз-құжат атаулы атымен жоқ.
Алматы қалалық көші-қон полициясы жүргізген рейд барысында Барахолкадағы бір ғана “Болашақ” базарынан құжаттары жоқ, өздері елде заңсыз жүрген 5 келімсек анықталды.
Жалпы рейд барысында ұсталған “гастарбайтерлердің” саны 19. Арасында тіпті Ауғанстан азаматы да бар.
Сонда бұлар қалай қағаз-құжатсыз жүр? Оларды бақылауға алатын біреу бар ма? Базар басшылығы ше? Қарамағында кімдердің істейтіні, олардың кім екені, қайдан келгені маңызды емес пе?
Ең қорқыныштысы елдегі ірілі-ұсақты қылмыс жасайтындардың арасында сырттан келгендердің үлесі басым. Қағаз құжаты жоқ адамның сайда саны, құмда ізі жоқ. Білгенін істейді. Былықтырады. Құрықталмасын, қолға түспесін біледі.
Бақылаусыз кеткен бұлар ертең бірнәрсе бүлдірмесіне кім кепіл? Барахолка базарының әкімшілігіне бәрібір ме әлде? Иә, бәрібір. Ендеше қалалық көші-қон полициясы жалғыз рейдпен шектелмесі анық.
Барахолка базарында өріп жүрген қырғыз-өзбек бұл елде де заң мен тәртіп бар екенін сезіну керек шығар.