Бангладеште қаралы күн жарияланды

32 просмотров

Бангладеште лаңкестік әрекетке байланысты қаралы күн жарияланды.

Бұл туралы Премьер-министр Шейх Хасина мәлімдеді деп хабарлайды 24kz.

Елде бүгін және ертең мемлекеттік тулар төмен түсіріліп, мешіттер, храмдар мен шіркеулерде аза тұту шаралары өткізіледі.

Естеріңізге сала кетейік, 1-маусымда Бангладеш астанасы Даккада мұздай қаруланған топ мейрамханаға басып кіріп, аяусыз оқ жаудырып, бірнеше адамды кепілдікке алған еді. Соңғы мәлімет бойынша, арнайы операция кезінде 13 азамат құтқарылды.

Өкінішке қарай, 20 шетелдік пен 2 полиция қызметкері қаза тапты. Барлық 6 лаңкестің көзі жойылды. Марқұмдардың арасында Жапония, Италия, Үндістан және АҚШ азаматтары бар. Қанды шабуылды «Ирак пен Левант лаңкестік тобы» жасағанын мәлімдеген.

Шейх Хасина, Бангладеш Премьер-министрі:

— Бұл лаңкестердің ешқандай діні жоқ. Олар құлшылық қылудың орнына адамдарды өлтіреді. Олар халықтың бейбіт өмірін құртады. Біз оларға елімізде өмір сүруге жол бермейміз. Әскеріміз содырлардың көзін жою үшін қолдан келгенін жасады. Мен олардың жұмысын жоғары бағалаймын.

Загрузка...