Бала сату — үлкен қылмыс!

20 просмотров

Өкінішке қарай, қазір елімізде бала сату сияқты сорақы әрекеттер орын алып отырғаны айғақ.

9552844_xxlОсы жылдың маусым айында Атыраудағы облыстық перзентханада Н.Х. есімді азаматша

сол жерде босанған жас ананы «балаңды тәрбиелей алмайсың, қарай алмайсың» деп көндіріп, жаңа туған жас нәрестені өзге біреуге сатқан.

Ол баланы сатып, ақшасын алу кезінде полиция қызметкерлеріне ұсталған.

Құқық қорғау органының қызметкерлерінің қырағылығының арқасында бұл адам түршігерлік қылмыс дер кезінде тоқтатылды.

Бала сату әрекетінің ауыр қылмыс екенін, ол үшін заңмен қатаң жаза белгіленгенін, ең бастысы, бұл қылмыстың адамзатқа қарсы жасалып отырған кешірілмейтін күнә екенін әркез айтып, бұқара арасында түсіндіру керек.

Статистикалық дерекке сүйінсек, биылғы жылда облыста тек бір қылмыс фактісі тіркелген, оның өзі тергеу нәтижесімен сотқа жолданған.

Біздің салт-дәстүрімізде, жалпы тарихымызда баланы сату деген мүлдем болмаған. Қайта, баласына өмірінің жалғасы, болашақтың кепілі ретінде қараған.

Атырау қаласы прокуратурасының сотқа дейінгі

қылмыстық процесстің заңдылығын қадағалау бөлімінің

аға прокуроры Б.Еңсегенов

Загрузка...