Балқашта ұсталған 6 сәләфи екі айға қамауға алынды

33 просмотров

Балқаштағы экстремизмге күдікті ретінде ұсталғандарды сот екі айға қамауды бұйырды.

Бұл туралы Қарағанды облыстық сотының баспасөз қызметіне сілтеме жасап, Қазақстан жаңалықтары хабарлайды.

Қылмыстық топ мүшелерін ұстау бойынша арнайы операция 26-маусымда жүргізілді. Гүлшат ауылында оларды ұстау кезінде оның бірі өзін-өзі жарып жіберді. Алған ауыр жарақаты салдарынан ол оқиға орнында көз жұмды. Одан басқа ешкім зардап шеккен жоқ. Олардан жарылғыш заттар, мылтық және дәлелді заттар тәркіленді. Теракті жасауды жоспарлағандар сәләфи делінеді.

„2016 жылдың 29-маусымында Балқаш қалалық соты 5 істі қарады, оның қорытындысы бойынша экстремизмге байланысы бар күдіктілерді екі айға қамауға алу туралы санкциялық шара қабылданды„ делінеді алдын ала таратылған хабарламада.

Ұсталғандардың алтауы да ҚР Қылмыстық кодексінің 257-бабының 1-тармағына, 287-бабының 5-тармағында қарастырылған қылмыстарға қатысы бар деп күдікке алынды.

„2016 жылдың сәуірінде діни жат ағымға мүше ҚР азаматы, Балқаш қаласының тұрғыны аймақта өз жақтастарын жинап, лаңкестік топ құрған. Оған Балқаш қаласы мен Гүлшат ауылының тұрғындары енген.

Барлық ер адамның жасы 26-дан 37 жас аралығын қамтиды. Олардың ешқайсысы осыған дейін істі болған емес. Бұл лаңкестік топтың мақсаты — лаңкестік қылмыс жасау, атап айтқанда ҚР территориясында террористік актілерді жүзеге асыру және ДАИШ халықаралық лаңкестік тобына көмектесу„ делінеді соттың ісін тіркеген хабарламада.

Загрузка...