Байқоңырдан ғарышкерлер ұшпай қалды

120 просмотров

Халықаралық ғарыш стансасындағы №49-50 экспедиция экипажы ертең Мәскеуге оралады.

Бұған олардың ұшу мерзімінің аяқ-астынан кейінге шегерілуі себеп екенін «Новости космонавтики» сайты мәлім етті деп хабарлады ҚазАқпарат.

Еске сала кетейік, Ресейғарыш ғарышкерлері Сергей Рыжиков, Андрей Борисенко, NASA астронавты Роберт Шейн Кимброудан құралған негізгі экипаж, сонымен қатар олардың дублерлері — ресейлік ғарышкер Александр Мисуркин, Николай Тихонов пен NASA астронавты Марк Ванде Хай 8-қыркүйектен бері ғарыш айлағында ұшыру алдындағы дайындықтың соңғы кезеңінен өтіп жатыр.

Сенбі күні, 17-қыркүйекте Ресейғарыш техникалық себептерге байланысты «Союз МС-0» кемесін ұшырту мерзімін шегеретінін жариялады.

Ресей ғарыш саласындағы ақпарат көзі хабарлағандай, Байқоңырдағы монтажды-сынау кешеніндегі тексеру жұмыстары кезінде «Союз МС-02» кемесінде тұйықталу байқалды. Олқылықты жою үшін ең кемі бір-екі апта керек, сондықтан ғарышкерлерді Мәскеуге қайтару шешімі қабылданды.

Загрузка...