Бахрейнде жезөкшелікке салынған қарағандылық қыз құлдықтан құтқарылды (видео)
Жат елде жезөкшелікке жегілген қарағандылық бойжеткен сексуалдық құлдықтан босатылды. 18 жастағы отандасымызды Бахрейн полициясы құтқарған. Енді ол құжаттарын рәсімдеп Қазақстанға ұшып келуді жоспарлап отыр.
Бұл туралы КТК хабарлайды.
Самал есімді бойжеткен осыдан бір ай бұрын Бахрейн астанасы Манамаға өз еркімен барған екен. Оны жақын танысы жұмысқа орналастырамын деп алдап апарып, жезөкшелікпен айналысуға мәжбүрлеген. Тіпті ұшақ билетін де құрбысы сатып алып беріпті. Алайда Бахрейнге барған бетте барлық құжаттарын тартып алып, қонақүйлердің бірінде тәнін сатуға итермелеген.
Яғни 15 жасында тұрмыс құрған ол күйеуіммен ажырасып кеттім дейді. Самалдың айтуынша Бахрейнде тәнін саудалап жүрген жерлестеріміз көп көрінеді.
“Бахрейнде Қазақстаннан келген қыздар көп. Оларды ұстап отыр. Қонақүйлердің бәрі толған жезөкше. Бәрі нашақор. Өткен аптада дозаны артық қабылдап қойған бір қазақ қызы өліп кетті. Мүмкін өлтіріп тастаған болар” дейді ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе