«Бағытым-Ислам, Бақытым-Тәуелсіздік» атты діни мүшәйра жарияланды

73 просмотров

Қазақстан Республикасының тәуелсіздігінің 25 жылдығына орай Қазақстан мұсылмандары діни басқармасының Өскемен аймағы өкілдігі, Шығыс Қазақстан облыстық «Халифа Алтай» мешіті ақындар арасында «Бағытым-Ислам, Бақытым-Тәуелсіздік» атты діни мүшәйра жариялады.

Вaq.kz келтірген мәліметке сүйенсек, мүшайра Қазақстан мұсылмандары діни басқармасының төрағасы, Бас мүфти Ержан қажы Малғажыұлы бастамасымен жарияланған «Дін және тарих тағылымы» жылы аясындағы шараларға да жатқызылады.

Өлең сайысына жасы 18-ден асқан ақындар қатыса алады.

Дін мен дәстүр, адамзаттың асылы — пайғамбарымыз Мұхаммед (с.ғ.с) туралы, Отанды сүю-иманнан және Жаннат ананың табанының астында атты төрт тақырыпта еш жерде жарияланбаған өлеңдер қабылданады . Өлеңдер 14 қаріп түрімен 1.5 аралықта терілген, 4 беттен аспауы керек.

Өлеңдер 2016 жылдың 30 маусымына дейін қабылданады.

Діни мүшәйра Қадір түнінде қорытындыланып, жүлдегерлерді марапатау шарасы Ораза айттың үшінші күні Шығыс Қазақстан облысы, Күршім ауданы, Теректі ауылындағы «Марқакөл» мешітінің ашылу салтанатына орайластырылып өтеді.

Бас жүлдеге Үлкен қажылық сертификаты тігіліп отыр. Ал, 1-орынға — 100.000 теңге, 2-орын — 50.000 теңге, 3-орын — 40.000 теңге ақшалай марапат белгіленген. Ынталандыру сыйлығы екеу — 30.000 теңге.

Өлеңдер [email protected] электронды мекен жайға жіберілуі тиіс.

Загрузка...