Біріккен Ұлттыр Ұйымы Сириядағы гуманитарлық миссиясының жұмысын тоқтатты. Оған аймақтағы әскери қимылдардың күшеюі себеп болды. Бұл туралы БҰҰ-ның Сирия бойынша арнайы өкілі Стеффан де Мистура мәлімдеді.
Оның айтуынша, тамыз айында бірде бір гуманитарлық көмек елде қоршауға алынған аймақтарға, соның ішінде Алеппо қаласына жетпеген.
БҰҰ-ның гуманитарлық мәселелер жөніндегі басқармасының мәліметі бойынша, жыл басынан бері Сирияға жүзден астам гуманитарлық жүк жөнелтілген. Қазір 600 мыңға жуық адам елдің қоршауда қалған аймақтарында қалды. Оларға азық-түлік пен дәрі-дәрмек жетпей жатыр.