«Астана «Көкпар клубы» 198 554 теңгеге сатылды,-деп хабарлайды Today.kz ҚР қаржы министрлігі мемлекеттік мүлік және жекешелендіру комитетінің сайтына сілтеме жасап. Нысанды сатушы – мемлекеттік сатып алу және коммуналдық мүлік басқармасы.
Клубтың алғашқы бағасы 41 миллионнан асады, бірақ саудаға тек бір адам ғана өтініш бергендіктен, ірі кешен төмен бағаға сатылды.
«Қазинформ» ақпараттық агенттігіне клуб директоры Болат Шалабаевтың айтуынша, «Астана «Көкпар клубы» иелігінде он бір асыл тұқымды ат, қызметтік көлік, спорттық құралдар бар.
«Егер есептесек, бір ат жиырма мың теңгеге сатылды. Ал, нарықтағы асыл тұқымды аттың бағасы бес мың доллар тұрады. Оның бір ертоқымының өзі 350 мың теңге. Одан бөлек қызметтік көліктер мен құралдар бар», – дейді Болат Шалабаев.
Айта өтейік, клубтың саудаға қойылғаны туралы ақпарат “Вечерняя Астана” және “Астана ақшамы” газеттеріне жарияланған. Әрқайсысының тиражы 10 мың теңге.
Клуб әкімшілігі клубтың сатылу себебін айтудан бас тартты.