Бүгін Күлікбаев дөрекілік танытқаны үшін сот залынан қуылды

667 просмотров

Алматыда қанды теракт ұйымдастырған Руслан Күлекбаев басты сот отырысында сот тәртібіне бағынбағандықтан сот залынан қуылды.

Бұл туралы ҚазАқпарат хабарлады.

Алматы қаласының Қылмыстық істер жөніндегі мамандандырылған ауданаралық сотының судьясы Ерлан Болатов осыған дейінгі сот отырыстарында сот өкілдеріне орнынан тұрып, құрмет көрсетпеген Күлекбаевқа тағы да ескерту жасады.

«Кеше сіз ауырып отырмын деген соң отырып жауап беруге келістік. Бірақ, бүгін сот тәртібі бойынша тұр дегенде тұрасыз, сол үшін алдыңғы орындыққа отырыңыз», — деді Ерлан Болатов.

Бұған Күлекбаев естімеген кейіп танытып тор ішіндегі екінші орындыққа барып отырды. Алдына отырыңыз деген судья сөзіне: «Не болды?» деп жауап берді.

Осыдан кейін судья Ерлан Болатов Күлекбаевты залдан алып кетуді бұйырып, адвокаттарына ескерту жасады.

Загрузка...