Атырауда екі полицей сотталды

20 просмотров

Атырау қаласының №2 соты Атырау ІІБ екі полицейіне қатысты қылмыстық істі қарады.

Тергеу нұсқасына сәйкес, сотталушылар өздерін көші-қон полициясы қызметкерлері ретінде таныстырып, Өзбекстан азаматтарын қорқытып, ақшалары мен ұялы телефондарын тартып алған.

29_main

«Екі полицей бірнеше рет Өзбекстан Республикасының 5 азаматын заңсыз ұстап, олардан  800 мың теңгеден астам қаржыны жымқырған», —

деп хабарлады  Атырау қаласының №2 сотының баспасөз қызметінде.

Сот үкіміне сәйкес,  сотталушылар Н.Ф. мен Б.Р. ҚР ҚК 191-бабының 2- бөлігінің 2,3-тармақтарымен, 190-бабының 3-бөлігінің 2-тармағында көзделген қылмыстық әрекеттері үшін кінәлі деп танылып, құқық қорғау органдарында лауазымды қызметті атқару құқығынан өмір бойына айырыла отырып, 4 жыл мерзімге бас бостандықтарынан айыру жазасы тағайындалды.

 

Загрузка...