25-қазанда Қазақстанның басым бөлігінде атмосфералық фронталды бөліктердің өтуіне байланысты еліміздің басым бөлігінде қар жауады, тек батыс пен оңтүстік өңірде ғана күн ашық болады.
Қазгидрометтің хабарлауынша, еліміздің кей жерлерінде ауа-райы температурасы күрт төмендеп, тұман болады, жел екпіні күшейіп, қар бұрқасындатады. Ал еліміздің солтүстік-шығысы және оңтүстік-шығысында көктайғақ болауы ықтимал.
Павлодар облысының кей жерлерінде бұрқасын, көктайғақ болады, жел екпіні секундына 15-20 метрге күшейеді.
Ақмола облысының кей жерлерінде жаяу бұрқасын болады, түнде жел тұрады.
Солтүстік Қазақстан облысының кей жерлерінде қар борайды. Алматы облысында түнде тұман күтіледі.
Жамбыл облысының кей жерлерінде тұман, көктайғақ болады. Қарағанды облысының кей жерлерінде де жел тұрып, бұрқасын болады. Шығыс Қазақстан облысында қар қылаулап, арты бұрқасынға ұласады, түнде тұман болады, жел екпіні күшейеді.